ЦХИНВАЛ, 22 окт - Sputnik. Хуссар Ирыстон æмæ Уæрæсейы мидхъуыддæгты министрæдты иумæйаг информацион-координацион центры бæстыхæйты арæзтады дыккаг этап райдыдта Цхинвалгæрон, микрорайон "Мæскуыйаг"-ы. Объект сцæттæ уыдзæн афæдзы фæстæ, фехъусын кодта республикæйы МХМ пресс-службæйы сæргълæууæг Бестауты Вида.
"Комплексы уыдзысты цалдæр объекты, кæцытæ цæхгæр хицæн кæндзысты сæ функцитæ, нысаниуæг æмæ пайдакæнынады æууæлтæй. Уыдон сты: Уæрæсейы МХМ уазæг офицертæн цæрæнуатон бæстыхай, бокс автотехникон экспертизæтæн, æхгæд спортзал тренировкæтæн, спортивон хъæзтытæн æмæ физикон цæттæдзинад бæрзонд кæнынæн", - фехъусын кодта центры хистæр Болататы Алан республикæйы мидхъуыддæгты министр Наниты Игорæн, кæцы бабæрæг кодта объект инспекциимæ.
Болататы Аланы ныхæстæм гæсгæ, комплексы ма уыдзæн тир æхсæн галерейимæ, кæцы ифтонг æрцæудзæн нырыккон техникæйæ æмæ æдасдзинады фæдæттæй иууылдæр.
"Ноджы ма комплексы территорийы уыдзæн стадион тренажертимæ, лидзæн фæндæгтимæ æмæ спорты алы хуызтæн фæзуæттимæ", - бафтыдта ИКЦ директор.
Цхинвалгæрон æрæвнæлдтой РХИ æмæ УФ барадхъахъхъæнджытæн комплексы арæзтадмæ
© Пресс-служба МВД РЮО
Хуссар Ирыстон æмæ Уæрæсейы Федерацийы Мидхъуыддæгты министрæдты (МХМ) иумæйаг информацион-координацион центр (ИКЦ) арæзт æрцыд 2016 азы.