ЦХИНВАЛ, 22 окт — Sputnik, Плиты Фатимæ. Цхинвайлаг клуб "Скиф 4x4"-ы экипаж рамбылдта Цӕгат Кавказы федералон зылды æвзæрвадат фæндæгтыл ерыстæ "спорт"-ы категорийы. Экстремалон скъӕрдӕй цæгаткавказаг ерысты Лӕууойты Сева ӕмӕ Гӕззаты Олег ссисты уæлахиздзаутæ æхсæз этапы рацæугæйæ, фехъусын кодта Sputnik клуб "Скиф 4x4"-ы хистæр Лæууойты Сева.
Цхинвайлаг экипаж рамбылдта экстремалон скъæрдæй ерыстæ Цæгат Кавказы
© Из личного архива Севы Лавоева
Турниры цыд Цæгат Кавказы хицæн горæтты æхсæз этапæй. Цхинвайлаг командæ дыууæ ран бацахста дыккаг бынæттæ, аннæ этапты иууылдæр уыд уæлахиздзау.
Цхинвайлаг экипаж рамбылдта экстремалон скъæрдæй ерыстæ Цæгат Кавказы
© Из личного архива Севы Лавоева
"Ӕхсæзæм æлхынцъгæнæн этап цыд Кæсæг-Балхъары. Дистанцийы финалмæ бацыдыстæм пырхытæ хæдтулгæимæ, фæндаг уыд зынвадат, хæххон, фæлæ цымыдисон", - загъта Лæууойты Сева.
Ерысты архайтой Цæгат Кавказы республикæты экипажтæ.
Цхинвайлаг экипаж рамбылдта экстремалон скъæрдæй ерыстæ Цæгат Кавказы
© Из личного архива Севы Лавоева