ЦХИНВАЛ, 22 окт — Sputnik, Диана Уалион. Уырыссаг аивады музейы ӕртӕ залы байгом ис ирон нывгӕнӕг Кацты Вадимы равдыст. Нывтӕ, кӕцытӕ бавдыстой экспозицийы, рацыдысты ӕнахуыр. Кацты Вадимы нывтӕ фылдӕр хатт вӕййынц стыр кӕттӕгтыл.
Мӕскуыйаг экспозици рауад ӕндӕрхуызӕн, фылдӕр у сӕрмагонд. Фӕзынд ног бакаст нывгӕнӕджы сфӕлдыстадмӕ.
Вадим йӕхӕдӕг банысан кодта, равдысты нӕй стыр кӕттӕгтӕ, фӕлӕ сӕ нымӕцы ис ныв, кӕцыйыл уый бирӕ рӕстӕг лӕмбынӕгӕй кусы.
Вадим йӕ зындгонд нывтӕй дарддӕр бавдыста йӕ ног куыстытӕ дӕр. Се хсӕн диссаджы ныв "Одуванчики". Нывӕн ис ӕнахуыр сюжет, кӕцы ӕвдисы нӕ фыдӕлты истори.
Равдысты фӕстаг залы сты нывтӕ Вадимы ӕмкъай ӕмӕ йӕ чызджы сурӕттимӕ.
Йӕ интервьютӕй иуы Кацты Вадим радзырдта, йӕ сфӕлдыстад баст кӕй у уӕддӕр хӕстимӕ, кӕцы йыл бандӕвта йӕ сабийы бонты рӕстӕджы. Уый бӕрӕг у йӕ бирӕ куыстытӕй. Фӕлӕ ацы равдысты нывгӕнӕг фылдӕр равдыста сабырдзинад ӕмӕ рухсдзинад.
Кацты Вадимы сӕрмагонд равдыст сорганизаци кодта Хуссар Ирыстоны минӕварад Мӕскуыйы республикӕйы президент Бибылты Анатолийы ӕххуысӕй ирон нывгӕнӕджы азы фӕлгӕтты Мӕскуыйы. Экспозици адаргъ уыдзӕн 28 октябрмӕ.