ЦХИНВАЛ, 25 окт - Sputnik, Плиты Фатимæ. Дыууæ хуссарирыстойнаг боксеры хайад райсдзысты æхсæнад "Локомотив"-ы æппæтуæрæсейон ерысты. Турниры уæлахиз фадат дæтты Уæрæсейы фыццагадмæ æвзæрст рацæуын, фехъусын кодта Sputnik спортсментæй иуы тренер Санахъоты Аслан.
Ерыстæ цæудзысты Ставрополы крайы станица Суворовскоейы.
"Хуссар Иры тыхджындæр боксертæй дыууæ - Гæджиты Гурам æмæ Ӕлборты Сослан стох кæндзысты ерысты. Ацы турниры уæлахиздзауæн фадат уыдзæн Уæрæсейы фыццагамæ бахизынæн. Гæджиты Гурам уымæй размæ дæр рацыд æвзæрст, фæлæ Ӕлборты Сослан уæлдай ахсджийаг у рамбулын", - загъта Санахъоты Аслан.
Дыууæ лæппу дæр уыдысты Уæрæсейы фыццагады финалисттæ.
Турнир цæудзæн 28 октябрæйп 2 ноябрьмæ. Гæджиты Гурамы цæттæ кæны Дзигойты Ацæмæз æмæ Ӕлборты Сосланы та Санахъоты Аслан.