ЦХИНВАЛ, 29 окт - Sputnik. Хуссар Ирыстоны Россотрудничествойы минӕварад хоны республикӕйы цӕрджыты этнографион диктанты хайадистмӕ, кӕцы у нывонд Уӕрӕсейы Адӕмон иудзинады боны цытӕн, фехъусын кодта Sputnik минӕварады сӕргълӕууӕг Сергей Скворцов.
"Акци нывонд у Адӕмон иудзинады бонӕн ӕмӕ ацӕудзӕн дыууӕ этапы", - загъта уый.
Фыццаг этап ацӕудзӕн Россотрудничествойы минӕварады офисы Цхинвалы 1 ноябры. Фӕсаууон, финалон стади ацӕудзӕн 4 ноябры 15.00 сахатыл.
Адӕмон иудзинады бон у Уӕрӕсейы паддзахадон бӕрӕгбон. Уый сфидар кодтой 2005 азы Польшайы интервенцийӕ 1612 азы Мӕскуы ссӕрибар кӕныны цытӕн. Хӕдӕфсад Кузьма Минин ӕмӕ Дмитрий Пожарскийы сӕргълӕудӕй штурмӕй систа Китай-горӕт.