ЦХИНВАЛ, 30 окт — Sputnik. Ӕртындӕс ирон ӕрмхӕцӕджы Уӕрӕсейы командӕйы сконды архайдтой дунейы фыццагады ӕмӕ рамбылдтой аст хорзӕхы, хъусын кӕны Цӕгат Ирыстоны спорты министрады пресс-службӕ.
Ирон богалтӕ ӕрхастой Уӕрӕсейы командӕйӕн фондз сыгъзӕрин, дыууӕ ӕвзист ӕмӕ иу бронзӕйон майданы.
Ерыстӕ райдыдтой 29 октябры румынаг горӕт Констанцайы.
Амӕйразмӕ хуссарирыстойнаг ӕрмхӕцӕг Гасситы Сослан ссис Европӕйы чемпионаты призер.