ЦХИНВАЛ, 20 ноя — Sputnik. Джиоты Дмитрий ссис сыгъзӕрин майданы хицау ӕппӕтуӕрӕсейон турниры греко-римаг хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.
Ӕппӕтуӕрӕсейон турнир греко-римаг хъӕбысхӕстӕй уагъд цыд горӕт Тарко-Салы.
"Финалон тохы 82 килограмм уӕзы категорийы ирон спортсмен рамбылдта Сомихы минӕвары ӕмӕ схызт кады пьедесталы уӕлдӕр къӕпхӕнмӕ", - дзырдӕуы хъусинаджы.
Пресс-службӕйы бафтыдтой, зӕгъгӕ, Джиоты Дмитрийы ерыстӕм бацӕттӕ кодтой тренертӕ Фӕрниаты Сослан ӕмӕ Хӕтӕгты Аслан.