ЦХИНВАЛ, 20 ноя — Sputnik, Плиты Фатимæ. Хуссар Ирыстоны уæгъдибар хъæбысхæцджыты командæ стох кæндзæн Европæйы чемпион Тедеты Елхъаны номарæн турниры Цæгат Ирыстоны. Республикæйы хицæн секцитæй æмткæй раразмæгонд æрцæудзæн 10 богалы, фехъусын кодта уæгъдибар хъæбысхæсты тренер Коцты Тамерлан.
Тедеты Елхъаны номарæн æппæтуæрæсеон турнир цæудзæн 21-23 ноябры Октябры хъæуы.
"Мæ хъомыглæнинæгтæй турниры стох кæндзæн æртæ лæппуйы. Уыдонæй иууыл æнтыстджындæр сты Плиты Вадим, кæцы æрæджы ссис Бердиаты Солтан номыл турниры финалист, стæй ма Дзеранты Арик æмæ Джиоты Дмитрий", - загъта тренер.
Уый ма банысан кодта, ерысты ма йæ хъомылгæнинæгтæй дарддæр кæй уыдзысты столицæйы æмæ Дзауы районы секциты богалтæ дæр.
Командæ Цæгат Ирыстонмæ афæндараст уыдзæн цыппæрæмы.