ЦХИНВАЛ, 2 дек - Sputnik. Хуссар Ирыстоны Ӕдасдзинады совет бар радта республикӕйы Ленингоры районы цӕрджытӕн, кӕцытӕн ис арӕны сӕртыл хизыны бар ӕмӕ сӕ хъӕуы бӕрзонгтехнологион медицинон ӕххуыс, цӕуын Гуырдзыстонмӕ уадзӕн пункт "Раздӕхӕны" уылты. Уый тыххӕй къуырисӕры фехъусын кодта президенты пресс-секретарь Гасситы Дина.
"Хуссар Ирыстоны Ӕдасдзинады совет бар радта цӕуын Гуырдзыстонмӕ ахӕм адӕмӕн, кӕцытӕн нӕй хуссарирыстойнаг ӕмӕ уӕрӕсейаг ӕмбӕстагад ӕмӕ сӕ хъӕуы ӕвӕстиат бӕрзондтехнологион медицинон ӕххуыс, кӕцы нырма нӕй республикӕйы", - банысан кодта Гасситы Дина.
Ӕдасдзинады совет ма рахаста скъуыддзаг саразын уавӕртӕ, цӕмӕй Ленингоры районы цӕрджытӕ, кӕцытӕн нӕй хуссарирыстойнаг ӕмӕ уӕрӕсейаг ӕмбӕстагад, исой пенситӕ, цалынмӕ сӕ Пенсион фонды хыгъдыл сӕвӕрой, уӕдмӕ.
Хуссар Иры Ӕдасдзинады совет бар радта Гуырдзымӕ кӕцыдӕр категориты рынчынты ласынӕн
© Пресс-служба президента РЮО
Хуссар Ир ӕмӕ Гуырдзыстоны хсӕн уадзӕн пункттӕ "Раздӕхӕн" ӕмӕ "Синагур" ӕхгӕд ӕрцыдысты 4 сентябры сӕрмагон бардзырды онг, арӕныл уавӕр кӕй фендыгъд ис, уый фӕстиуӕгӕн.