ЦХИНВАЛ, 5 дек - Sputnik. Хуссар Ирыстоны президент Бибылты Анатолий рахаста карз ӕфхӕрд арӕзтады министрады сӕргълӕууӕг Зӕгъойты Эдуардӕн, "йӕ кусӕгон хӕстӕ куыд ӕмбӕлы, афтӕ кӕй не 'ххӕст кӕны, уый тыххӕй", фехъусын кодта цыппӕрӕмы бӕстӕйы сӕргълӕууӕджы пресс-секретарь Гасситы Дина.
Карз ӕфхӕрд ма, бафтыдта уый, рахастӕуыд арӕзтады министры хӕдивӕг Гаглойты Сергейӕн дӕр " Цхинвалы фонтаны арӕзтады ӕмгъуыдтӕм хъус ӕрдарыны фӕдыл йӕ куыст рӕстмӕ кӕй нӕ бакодта, уый тыххӕй".
Барамынд президент бафыста 5 декабры.
Цхинвалы Театралон фӕзуатыл фонтаны арӕзтадмӕ бавнӕлдтой 2016 азы. Фӕстӕдӕр куыстыты фӕуды ӕмгъуыдтӕ аивтой цалдӕр хатты, ӕрӕджы та арӕзтады министр фехъусын кодта журналисттӕн, фантаны арӕзтад кӕй фӕуыдзӕн фидӕнмӕ.