ЦХИНВАЛ, 6 дек — Sputnik. Хуссар Ирыстоны 9,500 сабийы райсдзысты ногазон лӕвӕрттӕ, фехъусын кодта Sputnik Ахуырады министрады кусӕг Тедеты Алена.
Йӕ ныхӕстӕм гӕсгӕ, министрад ныридӕгӕн бафыста бадзырд ӕввонггӕнджытимӕ лӕвӕртты тыххӕй.
"Ногазон лӕвӕрттӕ байуардзысты сабидӕтты хъомылгӕнинӕгтӕн, 1-5 кълӕсты ахуырдзаутӕн, афтӕ ма иууыл чысылтӕн дӕр, кӕцытӕ лӕууынц поликлиникӕты хыгъды. Уыдон сӕ лӕвӕрттӕ дӕр райсдзысты поликлиникӕйы, аннӕ сабитӕн та сӕ традицимӕ гӕсгӕ, адих кӕндзысты ногазон мадзӕлтты рӕстӕджы", - банысан кодта Тедеты Алена.
Министрады минӕвар ма банысан кодта, лӕвӕрттӕ балхӕнынӕн ӕхцайы фӕрӕзтӕ хицӕн кӕй ӕрцыдысты президенты фондӕй.