ЦХИНВАЛ, 9 дек — Sputnik, Плиты Фатимæ. Горæты къорд скъолайы хистæркъласонты базонгæ кодтой Мидхъуыддæгты министрады Милицийы сæрмагонд нысаниуæджы къорды куыстимæ. Балцы фæлгæтты скъоладзаутæн фенын кодтой зæрдæхсайгæ адæмы æруромыны рæстæджы цы амæлттæй пайа кæнынц, кинологты куыст æмæ сын бамбарын кодтой барадхъахъхъæнæг оранты кусджыты бартæ.
МСНК кусджытæ равдыстой хистæркъласонтæн сæ техникæ æмæ куыст
© Пресс-служба МВД РЮО
Балцы уыд 40 скъоладзауы.
"Дæсæм, иуæндæсæм æмæ дыууадæсæм скъолайы хистæркъласонтæ бабæрæг кодтой МСНК. Уазджытæн равдыстой структурæйы куыст - зæрдæхсайгæ адæмы æруромыны рæстæджы цы амæлттæй пайда кæнынц, хæцæнгарз æмæ æфсæддон техникæ", - загъта Sputnik МСНК командир Плиты Игорь.
Мидхъуыддæгты министрады Милицийы сæрмагонд нысаниуæджы къорд сæвзæрд 1992 азы 14 февралы. МХМ ацы дæлхайад у иууыл куыстхъомдæр структурæтæй иу барадхъахъхъæнæг системæйы.