ЦХИНВАЛ, 16 дек – Sputnik, Хъотайты Алена. Фыццаг хуссарирыстойнаг ӕххӕстметражон мультфильм "Хетӕджы Мӕсыг"-ы премьерӕ ацӕудзӕн республикӕйы хӕдбардзинад банымайыны бон 26 августы 2020 азы.
Мультфильм исы мӕскуыйаг студи "Движение" хуссарирыстойнаг фыссӕг Джыгкайты Беллайы аргъаумӕ гӕсгӕ.
"Мультфильмы ис истори, фантастикӕ ӕмӕ уарзондзинад. Хъайтартӕй, куыд нӕ фыдӕлтӕ алантӕй, гӕнӕн ис райсын цыткӕнын хистӕр адӕм ӕмӕ сылгоймагӕн, афтӕ ма хъайтардзинад дӕр", - радзырдта Джыгкайты Белла.
Ныртӕккӕ проект ис кӕронбӕттӕн этапыл.
Мульфильмы сӕйраг хъайтар у ирон паддзахы фырт Хетӕг. Мультфильмы аразджыты фӕндыд равдисын уый ӕрмӕст хъӕбатыр бӕгъатырӕй нӕ, фӕлӕ ма адӕймагӕй, кӕцы хӕссы уарзондзинад ӕмӕ хорздзинад.
Сӕйраг хъайтары ном баст у Цӕгат Ирыстоны "Хетӕджы Къох"-имӕ.
"Ныры дуджы бирӕ кинонывтӕ сты кӕрӕдзийы хуызӕн. Ацы мультфильмы та уыдзӕн бирӕ аивадон ӕмӕ националон мотивтӕ", - радзырдта студи "Движение"-йы генералон директор Александра Евсеева.
Уырыссаг версийы актерты ныффыстой Санкт-Петербурджы. Уыдон ӕвзӕрста Игорь Яковель, кӕцы Евсеевайы хъуыдымӕ гӕсгӕ у уӕрӕсейаг кинойы иууыл хуыздӕр звукорежиссертӕй сӕ иу, преми "Икар"-ы лауреат.
Сценарий уырыссаг ӕвзагӕй иронмӕ тӕлмац кӕны публицист ӕмӕ фыссӕг Плиты Инал, националон мелодитӕ та фыссы зарӕггӕнӕг Ӕлборты Лана. Мультфильм саразынӕн фӕрӕзтӕ рахицӕн кодта Хуссар Ирыстоны президент Бибылты Анатолий.