ЦХИНВАЛ, 30 дек - Sputnik. Хуссар Ирыстоны президент Бибылты Анатолий бабӕрӕг кодта ногазон мадзал Дзауы районон центры, фехъусын кодта къуырисӕры паддзахады сӕргълӕууӕджы пресс-секретарь Гасситы Дина.
Бӕрӕгбонон программӕйы хайад райстой Дзауы сывӕллӕтты сфӕлдыстады хӕдзары хъомылгӕнинӕгтӕ, кӕцытӕ равдыстой сценӕйыл куклаты театры инсценировкӕ "Три поросенка". Дзауы астӕуккаг скъолайы кафӕн къорд сӕххӕст кодтой уӕздан кафт "Хонгӕ", афтӕ ма Митын Дада ӕмӕ Митын чызг ӕххӕст кодтой ногазон зарджытӕ ӕмӕ хъӕлдзӕг кодтой сабиты.
Районы цӕрджытӕн раарфӕ кодта паддзахады сӕргълӕууӕг.
"Ног аз у бинонты бӕрӕгбон. Мӕн тынг фӕнды, цӕмӕй республикӕйы сывӕллӕттӕ иууылдӕр уой амондджын. Мӕн уырны, уӕ ныййарджытӕ сӕрыстыр кӕй сты сымахӕй. Ныййарджытӕн та мӕ цӕст уарзы, цӕмӕй ӕрвылаз 31 декабры сымах хатдзӕгтӕ кӕнат уӕ сывӕллӕтты ӕнтыстытӕн. Ног азы хорзӕх уӕ уӕд алкӕйдӕр!", - загъта Бибылты Анатолий ӕмӕ радта сабитӕн ногазон лӕвӕрттӕ адджинӕгтимӕ.