ЦХИНВАЛ, 8 янв - Sputnik. Хуссар Ирыстоны столицӕйы къуырисӕры ссардтой республикӕйы цӕрӕджы мӕрдон буар, уый фӕстӕ горӕты фӕзынд дам-думтӕ, ома нӕлгоймаджы маргӕ акодтой, фӕлӕ уыцы информаци раст нӕу, уымӕн ӕмӕ тӕрхондоны медицинон эксперт не ссардта мӕрдон буарыл тыхмарды миниуджытӕ. Уый тыххӕй фехъусын кодтой республикӕйы Мидхъуыддӕгты министрады (МХМ).
Уагдоны куыд банысан кодтой, афтӕмӕй, къуырисӕры, 6 январы, милицимӕ бацыд хъусинаг, Тельманы уынгыл кӕй ссардтой нӕлгоймаджы мӕрдон буар. Фӕдагуырды-оперативон къорд ӕрбацыд цауы бынатмӕ ӕмӕ сбӕрӕг кодта, фӕмардуӕвӕг кӕй уыд столицӕйы 40-аздзыд цӕрӕг.
"Тыхмарды миниуджытӕ мӕрдон буарыл не ссардтой", - фехъусын кодта Sputnik МХМ пресс-службӕйы кусӕг Джиоты Алик.
Цауы ӕрмӕджытӕ бадӕттой республикӕйы генералон прокуратурӕмӕ.