ЦХИНВАЛ, 15 янв - Sputnik, Плиты Фатимæ. Хуссар Ирыстоны паддзахадон театр хоны республикæйы адæмон артист, Цæгат Ирыстоны сгуыхт артист, режиссер æмæ драматург Тъехты Василийы сфæлдыстадон изæрмæ, фехъусын кодтой Sputnik театры пресс-службæйы.
Мадзал ацæудзæн 18 февралы. Тъехты Василийæн ивгъуыд аз январы паддзахады сæргълæууæджы барамындмæ гæсгæ лæвæрд æрцыд Адæмон артисты ном.
"Йæ коллегæтæ радзурдзысты цымыдисон ирд историтæ, равдисдзысты Тъехты Уасилы хайадистæй спектакльтæй скъуыддзæгтæ", - загътой пресс-службæйы.
Тъехты Василийы режиссерон куыстыты нымæцы сты "Тугæйдзах чындзæхсæв", "Файнустытæ", æмæ "Бирæгътæ". Театры репертуары архайгæ аргъау "Тæрхъусы амонд" æвæрд æрцыд Тъехты Василийы уацмысмæ гæсгæ. Актер йæ царды фылдæр хай ис сценæйыл – 40 аз дæргъы уый сæххæст кодта 50 фæлгонцы бæрц.