ЦХИНВАЛ, 28 янв - Sputnik. Хуссар Ирыстоны президент Бибылты Анатолий схорзæхджын кодта "РХИ сгуыхт артисты" номæй РЦИ-Аланийы бæхты драмон театр "Нартæ"-йы артисткæ Хъазиты Нателлайы.
Хъазиты Нателла хайад райста 2018 азы культурон-историон мадзал "Хуссар Ирыстон! Хъайтардзинады истори"-йы, кæцы уыд нывонд РХИ банымады 10-азон юбилейæн, хъусын кæны бæстæйы сæргълæууæджы пресс-службæ.
"Ансамбль "Нартæ" æвдисы бæрзонд фæстиуджытæ æмæ дзы æнæхъæн Ирыстон у сæрыстыр. Зæгъын уын бузныг бæхты аивадмæ уæ хайбавæрды тыххæй, афтæ ма Хуссар Иры банымады 10-азон юбилей нысан кæнынмæ дæ активон хайады тыххæй. Бæрæгбон рауад диссаджы цымыдисон", - загъта президент артисткæимæ йæ фембæлды рæстæджы.
Бибылты Анатолий банысан кодта, Хъазиты Нателлайы схорзæхджын кæныны тыххæй барамынд кæй бафыста фарон уалдзæджы.