ЦХИНВАЛ, 4 фев - Sputnik, Гӕбӕраты Элина. Россотрудничествойы минӕварад Хуссар Ирыстоны фехъусын кодта, кӕй райдыдтой исын куырдиӕттӕ Уӕрӕсейы ахуырадон уагдӕтты ахуыр кӕныны фӕдыл квотӕтӕм.
Бюджетон ахуырмӕ ӕвзӕрст цӕуы дыууӕ этапы. Фыццаг уагъд цӕуы Хуссар Ирыстоны, уый уадзы Россотрудничество кӕнӕ та Уӕрӕсейы минӕварад. Дыккаг этап та ацӕуы Уӕрӕсейы, ахуырады министрады ӕвзӕрсты хайадисӕг ахуыргӕнӕндӕтты хайадистӕй.
"Ацы аз Уӕрӕсейы Федераци радта Хуссар Ирыстонӕн 18 бынаты, афтӕ уыд фарон аз дӕр", - фехъусын кодта Sputnik Россотрудничествойы минӕварады разамонӕг Сергей Скворцов.
Фыццаг этапы хайад райсынӕн хъӕуы базонгӕ кӕныны дӕсниӕдты номхыгъдимӕ, кӕцымӕ гӕсгӕ дӕттынц квотӕтӕ, уый фӕстӕ бацӕттӕ кӕнын документтӕ ӕмӕ срегистраци кӕнын ацы аз 20 февралы онг. Абитуриентты райсыны фӕткы фӕдыл лӕмбынӕгдӕр гӕнӕн ис базонын Россотрудничествойы минӕварады сайтыл.
Ӕвзарӕн къамисы организацийы хайад исынц Уӕрӕсейы ФХМ, Уӕрӕсейы ахуырад ӕмӕ зонады министрад ӕмӕ Россотрудничество.