ЦХИНВАЛ, 18 фев – Sputnik, Козаты Диана. Хуссар Ирыстоны къуырийы кӕрон уыдзысты "дӕргъвӕтин" улӕфт бонтӕ. Фыдыбӕстӕ хъахъхъӕнӕджы боны цытӕн республикӕйы улӕфдзысты ӕртӕ боны фӕд-фӕдыл, загъта хицауады аппараты сӕргълӕууӕг Гаглойты Олег.
Ацы аз бӕрӕгбон уыдзӕн хуыцаубоны, уый фӕдыл улӕфты бон рахастой къуырисӕрмӕ бӕрӕгбонон бонтӕ ӕмӕ зӕрдылдарӕн датӕты къӕлиндармӕ гӕсгӕ.
"Фыдыбӕстӕ хъахъхъӕнӕджы бон у улӕфт бон. Бӕрӕгбон хуыцаубоны кӕй уыдзӕн, уый фӕдыл улӕфт бон ахастой къуырисӕрмӕ. Иннӕ кусӕгон къуыри райдайдзӕн дыццӕджы", - загъта Гаглойты Олег.
Республикӕйы нывӕндынц ауадзын цалдӕр мадзалы, кӕцытӕ нывонд сты бӕрӕгбонон датӕйӕн.