ЦХИНВАЛ, 21 фев - Sputnik. Президент Бибылты Анатолий радта паддзахадон хорзӕхтӕ Республикӕ Хуссар Ирыстоны хъахъхъӕнджытӕн, кӕцытӕ тох кодтой бӕстӕйы сӕрибардзинадыл 1989 азӕй 2008 азы онг.
Хорзӕхкӕныны церемони нывонд уыд Фыдыбӕстӕ Хъахъхъӕнӕджы бонӕн.
Президент раарфӕ кодта ӕрӕмбырдуӕвджытӕн ӕрбалӕугӕ бӕрӕгбоны цытӕн ӕмӕ банысан кодта, ӕнӕ уыдонӕй Хуссар Ирыстоны адӕм абоны бон кӕй нӕ цардаиккой ӕдас ӕмӕ хӕдбар республикӕйы.
"Хуссар Ирыстоны адӕм сӕрыстыр сты сӕ хъахъхъӕнджытӕй, кӕцытӕ тох кодтой се ‘мбӕстӕгты сӕрибардзинад ӕмӕ хӕдбардзинадыл", - загъта Бибылты Анатолий.
Фыдыбӕстӕ хъахъхъӕнджытӕй кӕцыдӕрты схорзӕхджын кодтой сӕ амӕлӕты фӕстӕ.