ЦХИНВАЛ, 4 мар - Sputnik. Хуссар Ирыстоны президент Бибылты Анатолий 25 марты арвитдзӕн ныстуан республикӕйы адӕм ӕмӕ парламентмӕ, радзырдта паддзахады пресс-секретарь Гасситы Дина.
"Хуссар Ирыстоны Конституцийы 50 статьяйы 19 пунктмӕ гӕсгӕ президенты ныстуаны дзырд цӕуы бӕстӕйы уавӕрыл, паддзахады ӕддагон ӕмӕ мидӕггагон политикӕйы сӕйраг здӕхтытыл", - банысан колта уый.
Бибылты Анатолий фехъусын кӕндзӕн йӕ ныстуан Хуссар Ирыстоны адӕм ӕмӕ парламентмӕ республикӕйы закондӕттӕг органы рабадтыты залы. Афтӕ ма президенты ныстуан равдисдзысты паддзахадон телеуынынады комкоммӕ эфиры.