ЦХИНВАЛ, 4 мар – Sputnik, Хъуылымбегты Азӕмӕт. Ӕвзонг, фӕлӕ ныридӕгӕн зындгонд боксер Цӕгат Ирыстонӕй Хуыгаты Алан ауадздзӕн йӕ 11-ӕм тох боксы изӕры Дзӕуджыхъӕуы. Сӕйраг тох ацӕудзӕн уӕрӕсейаг Федор Чудинов ӕмӕ малавиаг Айзек Чилембайы хсӕн.
Боксеры тренер Сланты Виталийы ныхӕстӕм гӕсгӕ, Аланы цӕттӕкӕнынад цӕуы ӕнувыд темпты, ӕмӕ боксер цӕттӕ у ӕмбулынмӕ. Спортсмен ауагъта дӕс тохы профессионалон рингыл ӕмӕ иу хатт дӕр нӕ фембылд.
"Ӕз бирӕ куыстон мӕхиуыл фӕстаг тохы фӕстӕ ӕмӕ нывӕндын ногӕй рамбулын", - загъта боксер.
Тох ацӕудзӕн турнир "Лига Ставок. Битва на Кавказе"-йы фӕлгӕтты спорты галуан "Манеж"-ы. Турниры ма хайад райсдзысты Дзукъаты Давид ӕмӕ Челӕхсаты Георгий.
Хуыгаты Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.