ЦХИНВАЛ, 31 мар — Sputnik. Хуссар Ирыстоны ивгъуыд къуыри ӕрцыд дыууӕ фӕндагон-транспортон цауы, кӕцыты фӕстиуӕгӕн зиан баййӕфта иу адӕймаг. Уый тыххӕй хъусын кӕны Мидхъуыддӕгты министрады (МХМ) пресс-службӕ.
Афтӕ ма, Паддзахадон автоинспекцийы кусджытӕ сбӕрӕг кодтой фӕндагон змӕлды 208 фӕткхалды. Фараст шофыры фӕдыл, кӕцытӕ скъӕрдтой хӕдтулгӕ нозтджынӕй, сарӕзтой административон протоколтӕ.
Уымӕй дарддӕр, республикӕйы территорийыл ӕрцыд иу фыдракӕнд, кӕцы сбӕрӕг кодтой мидхъуыддӕгты органтӕ. Ӕхсӕнадон фӕтк фехалыны тыххӕй бӕрнмӕ ӕрбаздӕхтой фондз адӕймаджы.