ЦХИНВАЛ, 31 мар – Sputnik, Плиты Фатимæ. Интернет-провайдер "Юг-Телеком" аиуварс кодта интернет-хызæджы проблемæтæ, дыццæджы райсомæй æнæлимитон интернеты пайдагæджытæн уый ногæй кусы æнæ цæлхдуртæй, загъта Sputnik "Юг-Телеком"-ы генералон директор Коцты Григорий.
Пайдагæнджытæ интернеты æвзæр гъæд рахатыдысты къуырисæры - райсомæй изæрмæ рæстмæ нæ куыста бастдзинад.
"Ростелеком уагъта техникон мадзæлттæ, уымæ гæсгæ канд Хуссар Иры нæ, фæлæ ма Уæрæсейы дæр уыд проблемæтæ. Цæлхдуртæ иуварс æрцыдысты, дыццæжы райсомæй кабелон бастдзинад "Юг-Телеком" кусы штатон режимы", - загъта Коцты Григорий.
Ныртæккæ "Юг-Телеком" кусы горæт Цхинвал, йæ микрорайонтæ æмæ ма горæтмæ хæстæг Тъбет æмæ Цъунары хъæуты, афтæ ма Дзауы дæр.