ЦХИНВАЛ, 2 апр - Sputnik. Фӕндагон-транспортон цау дыууӕ хӕдтулгӕйы хайадистӕй ӕрцыд Цхинвалы централон уынгтӕй иуыл.
Цӕстӕйфенджыты ныхӕстӕм гӕсгӕ, дыццӕджы райсомӕй Джиоты Аланы проспектыл сӕмбӕлдысты Mercedes ӕмӕ Lada.
Цхинвалы ӕрцыд авари: сӕмбӕлдысты дыууӕ хӕдтулгӕйы
© Фото очевидца
Хӕдтулгӕтӕй иу цӕфӕй ахаудта фарсырдӕм ӕмӕ бахъыгдарта ӕндӕр машинӕйы дӕр.
Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй – шофыртӕ райстой буары чысыл цӕфтӕ.