ЦХИНВАЛ, 22 апр – Sputnik, Плиты Фатимӕ. Хуссар Ирыстоны сӕйраг сахары цӕгаттаг фарс трассӕйыл цӕугӕйӕ ссыгъд УАЗ маркӕ хӕдтулгӕ, фехъусын кодтой Sputnik УУМ пресс-службӕйы.
Инцидент ӕрцыд дыццӕджы изӕры.
"Уӕлвӕткон уавӕрты радгӕсон службӕмӕ фӕсидтысты дыццӕджы 18:14 сахатыл. Ссыгъд хӕдтулгӕйы моторы хай. Зынгирвӕзты рӕстӕджы уды зиан не рцыд. Хӕдтулгӕ цыд цӕгаттаг фарсӕй Цхинвалы рдӕм", - радзырдтой пресс-службӕйы.
Уагдоны ма бафтыдтой, ныридӕгӕн зынгирвӕзты аххосӕгтӕ кӕй цӕуынц сгӕрст.