ЦХИНВАЛ, 24 апр - Sputnik, Гӕбӕраты Элина. Цхинвалы энергетиктӕ иуварс кӕнынц авари дӕлстанцыл, кӕцы ис столицӕйы Фидауынгӕджыты уынгыл.
Дӕлстанцы цур бирӕуӕладзыгон хӕдзары цӕрджытӕ федтой фӕздӕг ӕмӕ бадзырдтой зынгфӕдисон бригадӕмӕ майрӕмбоны 11.00 сахатыл. Уӕлвӕткон уавӕрты министрады (УУМ) радгӕсон хайады радзырдтой Sputnik, цауы бынатмӕ кӕй ацыд зынгфӕдисон къорд.
"Арт ахуыссын кодтой. Ныр уым кусынц энергетиктӕ", - банысан кодтой радгӕсон хайады.
Паддзахадон унитарон куыстуат "Энергоресурс-Хуссар Ирыстон"-ы сӕргълӕууӕджы хӕдивӕг Гӕбӕраты Анатолий фехъусын кодта Sputnik, электроэнерги тагъд рӕстӕджы кӕй ратдзысты.
Нысангонд ӕрцыд, зынгсирвӕзтты тыххӕй Фидауынгӕнджыты уынджы иу хай кӕй баззад ӕнӕ рухсӕй.