ЦХИНВАЛ, 29 апр - Sputnik. Цӕгат Ирыстоны стыр Фыдыбӕстон хӕсты Уӕлахизы бӕрӕгбоны историйы фыццаг хатт ацӕудзӕн уӕлдӕфон парад, ӕфсӕддон кады горӕт Дзӕуджыхъӕуы сӕрты атӕхдзӕн Хуссар ӕфсӕддон зылды авиацион къорд, хъусын кӕны ӕфсӕддон зылды пресс-службӕ.
Авиацийы атахт ацӕудзӕн 9 майы 10 сахатыл.
Ӕфсӕддон зылды банысан кодтой, Дзӕуджыхъӕуы сӕрмӕ атахты хайад райсдзысты авиацион къордтӕ хӕстон вертолеттыл Ми-28НМ "Ночной охотник", транспортон-хӕстон вертолеттыл Ми-35 ӕмӕ транспортон-штурмон вертолеттыл Ми-8АМТШ "Терминатор".
Тӕхджытӕ ныридӕгӕн атахтысты Мӕздӕджы аэродроммӕ ӕмӕ райдыдтой тренировкӕтӕ.