ЦХИНВАЛ, 5 мая - Sputnik, Козаты Диана. Хуссар Ирыстоны столицӕйы Стыр уӕлахизы бӕрӕгбоны хӕдразмӕ байуӕрстой сдӕгай Георгиаг лентӕтӕ.
Традицион акци сорганизаци кодтой уӕрӕсейаг ӕмбӕстӕгты Координацион совет ӕмӕ ӕхсӕнад "Россы".
Акци ацыд столицӕйы централон алвӕндӕгтӕй иуыл. Организацийы активисттӕ лӕвар кодтой зӕрдылдарӕн лентӕтӕ цӕрджытӕн, байуӕрстой сӕ дуканиты ӕмӕ ма иу ӕрурӕдтой рацӕугӕ хӕдтулгӕтӕ дӕр.
"Ацы акцийӕн ис ахсджиаг бынат рӕзгӕ фӕлтӕры патриотикон хъомылады. Мах ӕй уадзӕм ӕрвылаз, фӕлӕ ацы аз, коронавирусы уавӕр хынцгӕйӕ, акци афтӕ уӕрӕх нӕ ауагътам", - загъта Координацион советы разамонӕг Наталья Жуйкова.
Цӕрджытӕ сӕхӕдӕг дӕр куырдтой фылдӕр лентӕтӕ, шофыртӕ та сӕ уайтагъд коддтой сӕ хӕдтулгӕтыл.
Хуссар Ирыстоны столицӕйы ацы аз аргъӕвтой Уӕлахизы парад коронавирусы апарахаты тасы тыххӕй. Президент Бибылты Анатолий фехъусын кодта, парад Цхинвалы кӕй ацӕудзӕн Мӕскуыйы парадимӕ иу бон.