ЦХИНВАЛ, 9 июн - Sputnik. Хуссар Ирыстоны депутаттӕ ӕмхъӕлӕсӕй хорзыл банымадтой РХИ ӕмӕ Луганскы Адӕмон Республикӕйы (ЛАР) хицауӕдты хсӕн Бадзырды ратификаци уӕлвӕткон цауты рагфӕдзӕхст ӕмӕ ликвидацийы фӕдыл.
Скъуыддзаг рахастой республикӕйы парламенты ӕртыккаг сессийы ӕхсӕзӕм рабадтыл къуырисӕры.
Бадзырды ратификацийы фӕдыл законы проект бавдыста ӕддагон политикӕ ӕмӕ ӕхсӕнпарламентон бастдзинӕдты фӕдыл парламентон комитеты сӕрдар Дриаты Заза.
"Бадзырды нысаниуӕг у ӕххуыс кӕнын ӕрдзон ӕмӕ техногенон характеры уӕлвӕткон цауты рагфӕдзӕхст ӕмӕ ликвидацийӕн", - фехъусын кодтой парламенты пресс-службӕйы.
Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ.