ЦХИНВАЛ, 1 июл — Sputnik, Плиты Фатимӕ. Хуссар Ирыстоны фӕсивӕдон ӕхсӕнадон организаци "Ныхас"-ы минӕвӕрттӕ баххӕст кодтой спортивон ифтонгадӕй Спорты скъолайы фӕсчъылдым фӕзуат. Ӕрмӕг иууылдӕр арӕзт цӕуы активисттӕн сӕхи къухтӕй, фехъусын кодтой Sputnik организацийы пресс-службӕйы.
Ивгъуыд азы Цхинвалы Спорты скъоламӕ хӕстӕг рохуаты уагъд тыгъдад бавнӕлдтой спортивон фӕзуаттӕ аразынмӕ. 600 квадратон метры тыгъдадӕй ӕрмӕст бырон аластой 120 хӕдтулгӕйы дзаг. Ацы бынаты фӕзынд цыппар спортивлн фӕзуаты.
"Нӕ активисттӕ сӕхи къухӕй сарӕзтой футболон фӕзуатӕн цыппар къулдуары. Дыууӕйӕн дзы сӕ дӕргъ уыдзӕн ӕртӕ метры, сӕ бӕрзӕнд та дыууӕ. Аннӕ дыууӕ кьулдуар сты къаддӕр бӕрц", - загътой уагдоны.
Спортивон скъолайы фæсчъылдым тыгъдады спортивон ӕмӕ улӕфӕн зонӕтӕ сарӕзтой ивгъуыд аз.