ЦХИНВАЛ, 15 июл - Sputnik, Плиты Фатимӕ. Хуссар Ирыстоны Нывгӕнджыты цӕдис бакодта ацы аз сӕ фыццаг равдыст. Экспозици нывонд у фидауынгӕнджытӕн.
Равдыстмӕ сӕ куыстытӕ бавдыстой 22 нывгӕнӕджы, сӕ нымӕцы куыд Адӕмон нывгӕнджытӕ, афтӕ ӕвзонг дӕснытӕ дӕр
"Коронавирусы пандемийы аххосӕй ацы аз уый у нӕ фыццаг равдыст. Нӕ нывӕзт райдыдтам бӕрӕгбонон мадзалӕй, кӕцы нывонд у Фидауынгӕнӕг тыхтӕн", - загъта Sputnik Нывгӕнджыты цӕдисы сӕрдар Битеты Алан.
Йӕ ныхӕстӕм гӕсгӕ, экспозицийы ис сӕ цӕдисы ног уӕнгты куыстытӕ дӕр.
Фыццаг пандемийы фӕстӕ: Цхинвалы бакодтой нывгӕнджыты куыстыты равдыст
© Sputnik / Фатима Плиева
"Ӕрӕджы цӕдисы скондмӕ бацыдысты нывгӕнджыты ног фӕлтӕр, уыдон ахуыр фесты Санкт-Петербург ӕмӕ Мӕскуыйы, ныр фӕллой кӕнынц театры. Уыдон бавдыстой спектакльты декорациты нывтӕ", - бафтыдта Битеты Алан.
Йӕ ныхӕстӕм гӕсгӕ, дарддӕры равдыстыты нывӕзтыл ныхас цӕуы Культурӕйы министрадимӕ.
Фидауынгӕнджыты бонӕн нывонд мадзалы хуызфыссынадӕй дарддӕр ис ӕрмдӕсныты - Калаты Нариман ӕмӕ Коцты Дженийы куыстытӕ.
Фыццаг пандемийы фӕстӕ: Цхинвалы бакодтой нывгӕнджыты куыстыты равдыст
© Sputnik / Фатима Плиева