ЦХИНВАЛ, 20 июл — Sputnik. Цӕгат Ирыстоны территорийыл ӕввахс дыууӕ боны уыдзӕн ӕнтӕф боныгъӕд – штормон фӕдзӕхст ныммыхуыр кодта республикӕйы Уӕлвӕткон уавӕрты министрады (УУМ) пресс-службӕ.
Быдырты температурӕ схиздзӕн 38°С. Афтӕ ма республикӕйы ис экстренон фӕдзӕхст хъӕдты зынгсирвӕзтты тасы тыххӕй.
"Республикӕйы гидрометеорологи ӕмӕ мониторингы фӕдыл центры информацимӕ гӕсгӕ 20-22 июлы Цӕгат Ирыстоны уыдзӕн хъӕдты зынгсирвӕзтты тас", - банысан кодтой пресс-службӕйы.