ЦХИНВАЛ, 18 авг – Sputnik, Козаты Диана. Хуссар Ирыстоны Мидхъуыддӕгты министрады (МХМ) сӕргълӕууӕджы хӕдтулгӕ фехсыны цауы фӕдыл генералон прокуратурӕ бакодта уголовон хъуыддаг, фехъусын кодта уагдоны фӕдагуырды хайады хистӕр Джиоты Къоста.
Министры хӕдтулгӕ фехстой дысон 8 июны уынгыл. Йӕхӕдӕг уыд хӕдтулгӕйы, фӕлӕ нӕ бахъыгдард.
Джиоты Къостайы ныхӕстӕм гӕсгӕ, министры хӕдтулгӕ фехстой ӕдзӕрӕг хӕдзарӕй, нӕмгуытӕ сӕмбӕлдысты хӕдтулгӕйыл, фӕлӕ пассажиртӕй ничи бахъыгдард.
МХМ пресс-службӕйы фехъусын кодтой, хӕдтулгӕ кӕй ӕхстой Макаровы пистолетӕй.
Барадхъахъхъӕнӕг органтӕ нӕ фехъусын кодтой цауы ӕндӕр лыстӕгдзинӕдтӕ.