ЦХИНВАЛ, 25 авг — Sputnik. Цæгат Ирыстоны сæйраг горæты знон изæр аварийы фæстиуæгæн фæмард мотоциклист, хъусын кæны 15 регион, МХМ пресс-службæйыл æнцойгæнгæйæ.
Бæллæх æрцыд 19.00 сахатмæ æввахс Къостайы проспектыл. Хæдтулгæ "Лада Гранта"-йы шофыр хъуамæ базылдаид Кольбусы уынгмæ æмæ сæмбæлд мотоцикл "Honda"-имæ.
Аварийы фæстиуæгæн дыууæцалхон транспорты 29-аздзыд шофыр райста уæззау цæфтæ æмæ фæмард.
Уыцы бон ма Дзæуджыхъæуы æрцыд ноджы иу авари мотороллеры хайадистæй.Цауы фæстиуæгæн йæ шофыры бахъуыд медицинон æххуыс. Уый аластой Дзæуджыхъæуы рынчындæттæй иумæ.