ЦХИНВАЛ, 7 сен — Sputnik. Хуссар Ирыстоны Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 94 фӕткхалды. Цыппар шофыры скъӕрдтой хӕдтулгӕтӕ нозтджынӕй, сӕ фӕдыл сарӕзтой административон протоколтӕ, хъусын кӕны республикӕйы Мидхъуыддӕгты министрад (МХМ).
Афтӕ ма ивгъуыд къуыри ӕрцыд иу фыдракӕнд, кӕцы раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй Цхинвалы мидхъуыддӕгты хайады кусджытӕ ӕрурӕдтой дыууӕ ӕмбӕстаджы, уыдонӕй иуы тӕрхондон ӕрбаздахта административон бӕрнмӕ.