ЦХИНВАЛ, 30 сен – Sputnik, Плиты Фатимæ. Цхинвалы ӕрыгон натуралистты станцы бындурыл бакодтой къӕдзӕхыл бырыны кружок "Ӕвзонг скалолаз". Къордмӕ ист цӕуынц ӕстӕм ӕмӕ фарастӕм кълӕсты ахуырдзаутӕ, фехъусын кодта Sputnik станцы хистӕр Мӕргъиты Ирбег.
"Инструкторӕй дзы кусы Хъуылымбегты Зарада, ныридӕгӕн йӕ дӕлбар ис иу къорд, фӕлӕ уыдонӕн сӕ ахуыр у туризммӕ здӕхт. Ног къорды та ахуыры нывӕзты 70 процент сты скалодромы", - загъта Мӕргъиты Ирбег.
Йӕ ныхӕстӕм, кӕд кружок адӕмы хсӕн разына популярон, уӕд ӕй ноджы райтынг кӕндзысты.
"Ахуыртӕ фидар кӕнынц сывӕллӕтты физикон цӕттӕдзинад ӕмӕ райтынг кӕнынц сӕ хъуыдыкӕнынад.
Къӕдзӕхыл бырын Уӕрӕсейы бирӕ скъолаты цӕуынц предметы хуызы. Кружок уал у нӕ фыццаг фӕлварӕн",- бафтыдта уый.
"Ӕвзонг скалолаз"-ы ахуыртӕ цӕудзӕн къуыри дыууӕ хатты.