ЦХИНВАЛ, 3 окт - Sputnik, Плиты Фатимæ. Хуссар Ирыстоны фодз стырдæр сæндуцæн амалиуæгадтæ бавдыстой сæ продукци сæнæфсиры тыллæг æмбырдкæныны бæрæгбоны.
Хуссар Иры сæндуцджыты продукци адæй феныны фадат уыд Цхинвалы ресторантæй иуы фæзуатыл Ногдзауты парчы.
Сæнæфсиры тыллæг æмбырд кæныны бæрæгбон Цхинвалы цæуы ныр дыккаг аз, бацæттæ йæ кодтой сæндуцджыты ассоциаци æмæ компани "Иронсӕн".
"Фондз сæндуцæн амалиуæгадæй æртæ сæ продукци уадзынц æппæт базарадон канонтæм гæсгæ, уыдон сты "Сæнæфсир", "Борджнис" æмæ "Иронсӕн". Фæстаг зæгъæн ис батыдта базармæ, уый абон мадзалы бавдыста йæ продукцийы 20 хуыз", - загъта мадзалы уазæг Карсанты Гурам.
Компани "Иронсан"-ы бындурæвæрæг Алексей Цапаевы ныхæстæм гæсгæ, ацы мадзалæй уыдон дæттынц старт тыллæгæмбырдгæнæн кампанийæн.
"Абонæй кæнæм тыллæг æмбырдгæнæн кампани, къуырисæры райдайдзыстæм исын сæнæфсир, æмбырд кæныдзыстæм быдырты. Нæ фæнды ис райсын 30 тонн тыллæг", - загъта "Иронсӕн"-ы минæвар.
Мадзалы фæлгæтты ацыд чысыл концерт, цы ран сæ арæхстдзинад равдыстой бынæттон зарæггæнджытæ. Бæрæгбон бабæрæг кодта президент Бибылты Анатолий уæрæсейаг делегациимæ, кæцытæ Хуссар Ирыстонмæ фæуазæг сты дыууæбонон кусæгон балцы.