ЦХИНВАЛ, 15 окт — Sputnik. Хуссар Ирыстоны спортивон комплекс "Олимп"-ы 18 октябры ацӕудзысты ерыстӕ ленк кӕнынӕй "Сыгъзӕрин кӕсаг", хъусын кӕны республикӕйы Ленк кӕныны федераци.
"Ерыстӕ цӕудзысты 25, 50 ӕмӕ 100 метры дистанцитӕм брасс стилы. 25 метры дистанцимӕ тох кӕндзысты 2011 азы гуырд спортсментӕ, 50 метры дистанцимӕ та 2009-2010 азты гуырд спортсментӕ. 100 метры дистанцийы хайад исдзысты 2006-2008 азты гуырд ленкгӕнджытӕ", - банысан кодтой Федерацийы.
Турниры организатортӕ сты Спорты галуан "Олимп" ӕмӕ РХИ Ленк кӕныны федераци.