ЦХИНВАЛ, 20 окт — Sputnik, Плиты Фатимӕ. Хуссар Ирыстоны Дзауы районы ӕрӕмбырд кодтой картофы тыллӕджы егъау гуырахст. Халсар ӕмбырдгӕнӕг зиууонты нымӕцы уыдысты администрацийы кусджытӕ, фехъусын кодта Sputnik районы хистӕры хӕдивӕг Хъоцыты Медик.
Хуссар Иры Дзауы районы ӕркодтой картофы егъау тыллӕг
© Фото пресс-служба Дзауского района
Дзауы районы бӕрзонд хӕххон хъӕутӕ нымад цӕуынц Хуссар Ирыстоны иууыл хуыздӕр бынатыл ацы халсарон культурӕ ӕрзайын кӕнынӕн.
"Църу ӕмӕ Котантойы быдыртӕй хорз тыллӕг ӕркодам, ивгъуыд азӕй бирӕ фылдӕр ӕрзад картоф", - загъта Хъоцыты Медик.
Дзауы районы администрацийы ма бафиппайдтой, тыллӕджы дарддӕры байуарын фарст нырма кӕронмӕ скъуыддзаг кӕй нӕу.