ЦХИНВАЛ, 29 окт - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 700 мин соммӕ ӕввахс коронавирусон инфекцийы хоскӕнынадӕн медицинон препараттӕ самал кӕныны тыххӕй. Уый тыххӕй хъусын кӕны министрты кабинеты пресс-службӕ.
Хуссар Ирыстоны октябры сытынг ис инфекции – мӕйы кӕронмӕ коронавирус бахӕцыд 670 адӕймагыл. Коронавирусон пневмонийӕ амард ӕхсӕз адӕймаджы.
Коронавирусӕй фӕрынчын сты РХИ президент Бибылты Анатолий, хицауады сӕрдары х.ӕ. Бекъойы Геннадий ӕмӕ парламенты спикер Тадтаты Алан.
Республикӕмӕ ӕрцыдысты уӕрӕсейаг ӕфсӕддон медиктӕ. Цхинвалы уыдон бакодтой быдырон госпиталь, кӕцыйы бон уыдзӕн райсын коронавирусӕй 150 рынчыны.