ЦХИНВАЛ, 12 ноя - Sputnik, Плиты Фатимӕ. Хуссарирыстойнаг зарӕггӕнӕг, вокалон конкурс "Азар ма"-йы сӕрмагонд призы хицау Джиоты Любайӕн Дзӕуджыхъӕуы ацӕудзӕн йӕ фыццаг хисӕрмагонд концерт.
"Ацы хатт та концерт ацӕудзӕн Дзӕуджыхъӕуы. Фӕзуат нымад у 100 адӕймагыл. Мадзалы организатор - Джиоты мыггаг", - фехъусын кодта Sputnik зарӕггӕнӕг йӕхӕдӕг.
Уый ма банысан кодта, концерты фылдӕр бӕрцӕй кӕй айзӕлдзысты зарджытӕ ирон ӕвзагыл.
"Сӕххӕст кӕндзӕн ирон, уырысаг ӕмӕ англисаг ӕвзӕгтыл, фӕлӕ фылдӕр бӕрцӕй мадӕлон ӕвзагыл зарджытӕ", - бафтыдта Люба.
Концерт ацӕудзӕн 22 ноябры, ресторан Chalet - ы.