ЦХИНВАЛ, 1 дек — Sputnik. Хуссар Ирыстоны хицауады сӕрдары х.ӕ. Бекъойты Геннадий ӕмӕ ӕнӕниздзинад хъахъхъӕнынады ӕмӕ социалон райрӕзты министры х.ӕ. дыццӕджы ӕрдзырдтой цӕрджыты социалон хъахъхъӕнынады райрӕзты фарстытыл.
Хицауады пресс-службӕ куыд хъусын кӕны, афтӕмӕй ныхасы темӕ уыд республикӕйы социалон системӕйы модернизаци. Фембӕлды хайадисджытӕ банысан кодтой, модернизаци кӕй цӕуы ӕртӕ этапы ӕмӕ здӕхт у цӕрджыты социалон хъахъхъӕнынады уавӕртӕ фӕхуыздӕр кӕнынмӕ.
"Республикӕйы социалон политикӕ здӕхт у адӕмӕн эффективон ӕхххуыс бакӕнынмӕ, афтӕ ма саразын уавӕртӕ, цӕмӕй ӕмбӕстӕгтӕ сӕхӕдӕг аразой уавӕртӕ сӕхицӕн ӕмӕ сӕ бинонтӕн", - хъусын кӕны Бекъойты Геннадийы ныхӕстӕ йӕ пресс-службӕ.
Пресс-службӕйы бафтыдтой, социалон фадыджы райрӕзты нывӕзтмӕ гӕсгӕ, хъӕуы фӕхуыздӕр кӕнын нормативон-барадон базӕ, саразын социалон фӕдзӕхсты фонд ӕмӕ ӕндӕр мадзӕлттӕ.