ЦХИНВАЛ, 14 дек - Sputnik. Спортсменкӕтӕ Цӕгат Ирыстонӕй Танделаты Амина ӕмӕ Кӕсӕбиты Алина ссисты Уӕрӕсейы чемпионкӕтӕ хъӕбысхӕстӕй, хъусын кӕны 15-ӕм Регион.
"Уӕрӕсейы архайгӕ чемпионкӕ Танделаты Амина ногӕй равдыста йӕ курдаит ӕмӕ рамбылдта алы тох дӕр 57 килограммы уӕзы категорийы", - дзырдӕуы хъусинаджы.
Кӕсӕбиты Алина та рамбылдта сыгъзӕрин майдан 62 килограммы уӕзы категорийы. Финалон тохы уый рамбылдта йӕ ныхмӕлӕууӕджы Красноярскӕй Юлия Артышкойы.
Ноджы ма иу спортсменкӕ Ирыстонӕй, Къесаты Орнелла, райста ерысты бронзӕйон майдан 76 килограммы уӕзы категорийы.