ЦХИНВАЛ, 16 дек – Sputnik, Козаты Диана. Хуссар Ирыстоны фæстаг суткæ рабæрæг кодтой 19 рынчыны коронавирусæй, фехъусын кодта æртыццæджы Sputnik Югосетпотребнадзоры хистæры хæдивæг Гаглойты Анна.
Республикæйы коронавирусæй æппæт рынчынты нымæц у 2071 адæймаджы, санитарон уагдоны æдæппæтæй ауагътой 12 224 иртæсты.
"Ивгъуыд суткæ ауагътой 80 иртæсты, сæ хатдзæгтæм гæсгæ рабæрæг кодтой 19 рынчыны коронавирусæй", – загъта Гаглойты Анна.
Уый ма бафтыдта, ацы рæстæг медицинон хъусдарды бынæй ссæрибæр кодтой 15 адæймаджы, æдæппæт та коронавирусæй сæнæниз ис 1167.
Медикты хъусдарды бын ис 904 адæймаджы.
Хуссар Ирыстоны къуырисæрæй фæрогдæр кодтой коронавирусы фæдыл тæбæтæ.
Оперштаб радта бар культурон-массон мадзæлттæ уадзынæн. Хъæууон чысыл скъолаты куыст сног кодтой, уыимæ иумæ карантин ис 15 январьмæ ахуырадон уагдæтты.