ЦХИНВАЛ, 21 дек — Sputnik, Плиты Фатимӕ. Хуссар Ирыстоны спортсменкӕтӕ ӕнтыстджынӕй стох кодтой Цӕгат Ирыстоны чемпионаты уӕлыстол теннисӕй. Чызджытӕ бацахстой кады пьедесталы фылдӕр хай, фехъусын кодта Sputnik Федерацийы хистӕр Джиоты Мириан.
Цхинвайлаг теннисисткӕтӕ ссисты Цӕгат Ирыстоны чемпионаты уӕлахиздзаутӕ ӕмӕ призертӕ
© Photo : Из личного архива тренера Мириана Джиоева
Йӕ ныхӕстӕм гӕсгӕ, сӕ ралӕудты фӕрцы чызджытӕ бацыдысты Цӕгат Ирыстоны ӕмбырдгонды скондмӕ ӕмӕ январы хъахъхъӕндзысты республикӕйы спортивон кад Цӕгат Кавказы федералон зылды ерысты.
"Цӕгат Иры чемпионаты Елбачиты Ирина ссис уӕлахиздзау, дыккаг бынат бацахста нӕ аннӕ спортсменкӕ Кокойты Аманда. Нӕ ӕртыккаг минӕвар Джиголаты Алана ссис цыппӕрӕм, фӕлӕ уый дӕр бакодтой ӕмбырдгонды скондмӕ",- загъта тренер.
Йӕ ныхӕстӕм гӕсгӕ, карантин ӕмӕ стыр конкуренцимӕ ӕнӕкӕсгӕйӕ чызджытӕ сӕхи равдыстой иттӕг хорз.
"Карантины аххосӕй лӕмбынӕгӕй цӕттӕ кодтам нӕхи ӕрмӕст фӕстаг къуыри, уый тыххӕй нын уӕлдай ӕхсызгон у нӕ ӕнтыст",- бафтыдта уый.
Чемпионаты архайдта 30 спортсменкӕйы онг. Фӕсивӕды цӕттӕ кӕнынц Джиоты Мириан ӕмӕ Уалыты Ирина.