ЦХИНВАЛ, 24 дек — Sputnik. Цӕгат Ирыстоны сӕргълӕууӕг Битарты Вячеслав бафыста барамынд, цӕмӕй 65 азы карӕй хистӕрдӕр адӕмӕн адарддӕр кӕной хисӕрмагонд изоляцийы режим 24 январы онг.
"Уый нӕ хауы ӕрмӕстдӕр кусджытӕм, кӕцыты уӕвынад у ахсджиаг организацийы архайдӕн", - дзырдӕуы документы тексты.
23 декабры бӕрӕггӕнӕнтӕм гӕсгӕ, республикӕйы пандемийы рӕстӕджы сбӕрӕг кодтой коронавирусӕй 11 396 фӕрынчынуӕвӕджы, уыдонӕй 10 765 адӕймаджы сӕнӕниз сты, 88 адӕймаджы амардысты.