ЦХИНВАЛ, 25 дек - Sputnik. Цӕгат Ирыстоны ссардтой Дзӕуджыхъӕуы бынӕттон хиуынаффӕйады администрацийы секретариаты сӕргълӕууӕг Хъалӕгаты Мараты мӕрдон буар зынгӕхстимӕ. Уый тыххӕй хъусын кӕны 15-ӕм регион республикӕйы СК пресс-службӕйы информицийыл ӕнцойгӕнгӕйӕ.
"24 декабры 14:00 сахатмӕ ӕввахс Дзӕуджыхъӕуы йӕ хӕдзары размӕ гаражы ссардӕуыд 58-аздзыд нӕлгоймаджы буар – уый разынд бынӕттон хиуынаффӕйады администрацийы секретариаты сӕргълӕууӕг Хъалӕгаты Марат. Йӕ риу уыд ӕхст. Развӕлгъау бӕрӕггӕнӕнтӕм гӕсгӕ, уый фехста йӕхи цуаноны карабинӕй", - банысан кодтой пресс-службӕйы.
Ныртӕккӕ уагъд цӕуынц сгарӕн мадзӕлттӕ ӕнамонд цауы лыстӕгдзинӕдтӕ сбӕрӕг кӕныны тыххӕй.