ЦХИНВАЛ, 18 янв — Sputnik, Плиты Фатимӕ. Хуссар Ирыстоны Дзауы районы равзӕрстой иууыл рӕсугъддӕр наз бӕлас. Хслебы хъӕууон администрацийы бӕлас нымад ӕрцыд иууыл хуыздӕр фӕлындыл, фехъусын кодта Sputnik районы пресс-секретарь Тедеты Лиана.
Хуссар Иры Дзауы районы равзӕрстой рӕсугъддӕр кӕртон наз бӕлас
© Пресс-служба Дзауского района
Хуыздӕр наз бӕласы фысымты схорзӕхджын кодта Дзауы районы разамонӕг Джиоты Андрей.
"Иууыл рӕсугъддӕрыл банымадтой Хслебы наз бӕлас, дыккаг бынатыл ацыд Фаллаг фарс ӕмӕ ӕртыккаг та Хуыцъейы хъӕу",- радзырдта уый.
Йӕ ныхӕстӕм гӕсгӕ, районы кӕртон наз бӕлӕсты конкурс ацы аз фыццаг хатт расидтысты ӕмӕ дзы хайад райстой авд хъӕуы.