ЦХИНВАЛ, 19 янв - Sputnik. Транскамыл фæндагон змæлд байгом æнæ арæнæвæрдтæй транспорты алы хуызæн дæр, фехъусын кодтой Цæгат Ирыстоны УУМ пресс-службæйы.
"Фæндагон змæлд байгом ис алы хуызы автотранспортæн дæр Бурон – Ручъы тоннелы Цæгаттаг Порталы фадыгыл 2021 азы 19 январы 12:00 сахатæй фæстæмæ сæрмагонд барамынды онг", - дзырдæуы хъусинаджы.
Хуссар Ирыстон Уæрæсеимæ иугæнæг фæндаг сæхгæдтой хуыцаубоны изæр зæйтæй рацæуыны тассы тыххæй.